2xGEA2021-05-05T13:36:19+02:00

2XGEA

Protegia
l’aua, il terren
e la sanadad

Restan informati
Daventar voluntaria/voluntari

Protegia l’aua, il terren e la sanadad: 2xGEA 

Proteger l’aua, il terren e la sanadad e franar il diever da pesticids, ladim ed antibiotica. Cun 2xGEA avain nus votantas e votants la schanza da far quai. 

Ensemen essan nus blers

Passa dus terzs dals umans interrogads en Svizra sustegnan la finamira da proteger noss’aua, noss ambient e nossas vivondas cunter pesticids ed il diever exagerà d’antibiotica (enquista davart las votaziuns da la Tamedia 2018). Lain procurar cun 2xGEA a l’urna che quai daventia realitad.

Cun votar 2xGEA ils 13 da zercladur gidain nus a mantegnair netta l’aua, fritgaivels ils terrens e multifaras las spezias – empè da sustegnair la mort dals insects e la spariziun da las spezias – ed a producir vivondas senza restanzas da pesticids e d’antibiotica. Uschia protegin nus nossa sanadad e la natira. 

Gida era ti

Infurmescha tias amias e tes amis, tia famiglia e tias collegas e tes collegas da lavur davart las iniziativas e parta noss mailings, nossas contribuziuns sin Facebook e nossas istorgias sin Instagram!

VISITAR LA PAGINA DA FACEBOOK
VISITAR LA PAGINA DA INSTAGRAM

Iniziativa per aua da baiver netta

Cun dir Gea a l’iniziativa per aua da baiver netta impedin nus ch’i dettia subvenziuns per tschufragnar l’aua. Nus promovain in’agricultura en accord cun la natira e libra da pesticids, ina tegnida d’animals senza diever preventiv d’antibiotica e manaschis che pon nutrir lur animals cun l’agen pavel. 

Website l’iniziativa per aua da baiver netta

Iniziativa per ina Svizra senza pesticids sintetics

Cun dir Gea a l’iniziativa per ina Svizra senza pesticids sintetics vegnan suenter in temp transitoric da diesch onns tut las vivondas producidas senza pesticids. Quai vala per rauba da la Svizra sco era per rauba importada. Era manaschis betg agriculs, il maun public e privats na dastgan utilisar nagins pesticids sintetics pli.  

Website l’iniziativa per ina Svizra senza pesticids sintetics

Per tge vai?

Finì cun utilisar tants pesticids, tanta antibiotica e tant ladim

Mintg’onn vegnan duvrads en Svizra var 2’000 tonnas pesticids. Quels fan donn als organissems e contamineschan las auas. Ils pesticids na mazzan betg mo ils insects nuschaivels. L’entira diversitad da las spezias – tranter quellas era blers animals utils – patescha da quest coctail da tissi.

Ils auals e flums svizzers cuntegnan bler dapli pesticids che lubì tenor ils limits definids en la lescha. E las restanzas da pesticids pon contaminar onns u decennis a la lunga l’aua sutterrana – ed uschia era l’aua da baiver: in milliun umans en Svizra baivan aua che cuntegna dapli restanzas da pesticids che lubì tenor la lescha. Las auas, ils guauds ed ils prads en Svizra pateschan adina pli fitg dal ladim exagerà da la tegnida d’animals. Quel fa ir enavos l’oxigen en las auas e contribuescha a la mort dals peschs. Memia bler ladim reducescha la biodiversitad en ils guauds e sin ils prads e fa donn als guauds da protecziun.

Il diever exagerà d’antibiotica en la tegnida d’animals promova bacterias resistentas a l’antibiotica. Cun la puschina e la grascha vegn l’antibiotica derasada en ils terrens agriculs cultivads e procura che scherms resistents a l’antibiotica chattan la via en las vivondas e las auas.

Pertge dovri 2xGEA?

Nus duvrain 2xGEA

2xGEA è la soluziun che nus duvrain urgentamain. Cun votar 2xGEA mettain nus la basa per in’agricultura persistenta en Svizra e per in diever premurus dal terren, da l’aua e da la sanadad. Suenter avain nus 10 onns temp da meglierar las soluziuns existentas e da render accessiblas quellas a l’entira agricultura. Uschia restan nossas auas vivas e noss terrens fritgaivels – la basa per ina producziun agricula persistenta. Ensemen pudain nus realisar il progress necessari per in nutriment saun, nossa sanadad, noss ambient, noss’agricultura e noss’economia – e per in svilup persistent da noss pajais. 

Cun votar 2xGEA faschain nus frunt a dus problems centrals: la tissientada da l’aua, dal terren e da la vivonda e la periclitaziun da la sanadad tras ils pesticids. Cun dir Gea a l’iniziativa per aua da baiver netta procurain nus che las subvenziuns statalas na vegnian betg pli impundidas per tissientar nossas auas, noss terrens e nossas vivondas, mabain per sustegnair in’agricultura persistenta. Cun votar Gea a l’iniziativa per ina Svizra senza pesticids sintetics nizzegiain nus la schanza da promover in avegnir senza pesticids e da proteger nossa sanadad e quella da noss uffants e biadis.

Organisaziuns purtadras

Tut las organisaziuns purtadras che recumondan da votar 2xGEA 

Realisescha tia atgna campagna per 2xGEA 

Reparta bandieras e flyers a las voluntarias ed als voluntaris da 2xGEA en tia regiun e gida uschia a mobilisar tes enconuschents. 

Emposta bandiera
Emposta Flyer

Na manchenta nagut

Ta registrescha e gida a cuntanscher 2xGEA a l’urna. Uschia na manchentas ti nagut e survegns tips per sustegnair a moda efficazia l’iniziativa cunter pesticids e l’iniziativa per aua da baiver netta.

Ta registrescha

Sustegna ussa las iniziativas

Ti fas la differenza

Sco voluntari/voluntaria cuntanschas ti persunas en tia regiun e fas la differenza: penda si bandieras en tia via, reparta flyers sin plazzas bain frequentadas e sajas da la partida, cura che 2xGEA dovra tia vusch a chaschun d’ina occurrenza en tia vischinanza.

Ta registrescha

* indicates required
Là?

Fa uss ina donaziun per la campagna 2xGEA!

Cun ina donaziun gidas ti la campagna 2xGEA a cuntanscher tut las votantas ed ils votants. 

Fa uss ina donaziun!

Survista dals artitgels

Qua chattas ti colliaziuns a las iniziativas ed ad artitgels actuals davart la campagna 2xGEA.

Medias

Tut las illustraziuns ed ils texts stattan a libra disposiziun per telechargiar e derasar, premess che la furma na vegnia betg modifitgada.

Fa uss ina donaziun

Collavuratura

Organisaziun

Go to Top